ያጌደሌ ወሎ ኢትረከባነይ በወራቤ ከተመ መቲንዳደሬ ባጌደሌ ቀበሌ ቲዮን ተወራቤ ከተመ ተሸርቅ አዘር 8 ኪ.ሜ ሩቅነ ተአልከሶ ከተመ በሸርቅ አዘር የደምገረን ሚዴ ኦዴ ቦጢ ዞፍ ኢትረከባን፡፡
ወሎይ በሁንዱሉሌ 1 በርዋ ቱስጥ 2 መስኮት ያለይ ቲዮን ወሎይ በድሮ ወክት በጣሊያን ዌራሬ ለሀርብ ኢሼምቡይ የናረኮ ያዝጋጊ የባድ ባሊቅቸ ያዋልኮን፡፡
ወሎይ ኡስጥ ሉስጥ ዮስዳን ጎልጌ ያለይዋ ሉላሉሌ ሁኖተምከ አትሬገጤን፡፡ወሎይ በቁርብ ሩቅነ ሚዳቸ ካሌ ኤት ያለይኮዋ ቢንግር ቲረግጡይ ጠምበ ያሴማን ቲዮን በወንደበን የከሩይ በሀርብ ወክት ሰብቻይ ለሺሞት እድጋለልቡይ የናረኮ የድሮ ባሊቅቸ ያቴክሶን፡፡ ቦክትከ ሂታይ ወሎ ለአዝጋጊ ኡመት ለምካትምከ አውለ ኢጄጅ ናር በሎትን፡፡
English
ስልጥኛ
