መምራይ ኡመቲ የመንግስተ ፖሊሳሶ፣ ፕሮግራምቸ፣ፈይሰልቸዋ ብልቸ በሉላሉሌ የመትራከቤ ብላትቸ የጋዜጠ ማትፋሀሜኮ፣የአመኜ ሚዲየዋ ዩመት ድጋየ ማቻያዮ በትድጋለሎት ፈየኮ ኢጄጃነኮ ያሻን፡፡

መምራይ ተባድ ኡስጥዋ ተአለም ኡንቁፍ ሚዲያዮ ቂጦ ያለይ ሩክቦ ያትንዳድራን ፣ጋዜጠኜ ማትፈሃማሞዋ የህፍዝ ሱልቸ ባስናዶት ለመትራከቤ ጅጋኛኞ ሬሬሰ ባቂብሎት ተዋሳጅ ዮናን፡፡

በሰከበ ወክት ሀነግነ በምካት ወክት አላድጋቦትዋ ድምባጬ ሊተሮት መምራይ ሱተኜዋ ወክተኜ ሬሬሰ ባጃጂጎት አዘር ወደል አትዋጫት አለይ፡፡ሂታይ ዩመት ወገሬት ላትሪግጦት ገናሚ ማቻያዮ ላትንዳድሮት ተገናሚ የመንግስት ቃም ቂጦ አትጋግዞተ ሊደብል ያቀትላን፡፡

መምራይ የአመሰበይ ባሎ ጭም ባሶት ፈይሰለ ባቦቲ አዘር ኢታንዣነኮ ዩመት ወባጀ ፣ሜልቻቾዋ ዴራሮ ያስናዳን፡፡ሂታይ ዛሂርነትዋ ዩመት ተዋሳጅነት ያንሻሽጣን/ኢንቃቅላን፡፡

መምራይ ያትሬከበይሙይ ፈየ ግዝቸ ፣ፈየ ቅልቃያዮዋ የአመኜ ተዋሳጅነት ፕሮግራምቸ ባትቻቺሎት የመንግስተ ፈየ ኢዝነ አብህሮተ የህለቆትዋ ያትቂጥሎት ወሻይብነት አለቢ፡፡

ተጂንስቸ ለትራከቦትዋ ወክተኜ ሬሬሳሶ ላቅርቦት ኦፍሻለኜ /ተቻይነት ያለይ ድረ ገፅቸ፣የአመኜ ሚድየ ዴራሮዋ ገናሚ የማረ/የመስመር ቻነልቸ አትንዳድሮት፡፡